من الفيس بوك … حالة الضياع التي يعيشها المواطن الأُردني .. بين الحلم والحقيقة
الإثنين 17/12/2018 م …
الأردن العربي –
تنويه من ” الأردن العربي ” : ننشر النصّ كما وردنا دون تدخل منا ، حتى بالصياغة …
*أردني بعد قانون الضريبة والجرائم الإكترونية والبرلمان والوزارة وتوابعها وألأسعار اللي بالعلالي، لاقى بنت مغمى عليها في الشارع، أخدها لاقرب مستشفى … !!!
*وبعد ما فحصها الدكتور قالُّه: مبروك .. المدام حامل … فقال أنا مش أبو الطفل … !!!
*والبنت تبكي وتقول له : لا أنت أبوه .. وبعد قتال وصريخ وتحليل DNA
وفحوصات الدكتور يجي ويقول له:
*إنه مش أنت أبو الطفل ولا يمكن تكون أبوه ﻷن عندك عقم ومابتخلف … !!!
*فخرج من المستشفى وهو فرحان إنه ((بريء)) .. وزعلان لأنه مابخلف … !!!
*وفجأه يتذكر انك متجوز ومخلف ولدين ويقعد يسأل نفسه طيب هدول كيف إجو … !!! ؟؟؟ وبلَّش يلوم بحاله والشك بمرته.
*ويلاقي حاله صحي من النوم .. ويفرح أن كل شي كان منام ويشرب مي من الرعبة .. وبعد ما يشرب يتذكر انه صايم …
*ويِتْطلع بالساعة ويلاقي حاله متأخِّر على الشغل … !!!
*وينزل يلاقي سيارته ما بتشتغل، وينتظر اي تكسي أو سرفيس … فيأخد تاكسي … !!!
*ويروح على الشغل ما يلاقي حدا … !!!
*ويتذكر أن اليوم الجمعة .. وما في شغل بها اليوم … !!!
*ويرجع للبيت بسرعة .. منشان يِلَحِّق يتوضى .. وبروح ع صلاة الجمعة … وتطلعله مرته وتقول له: وين كنت … ولوين رايح يا ( جورج ) … !!! ؟؟؟
*طلع الزلمة ( مسيحي ) وملخوم وناسي !!!
*الله المستعان !!!