الشحات شتا يكتب عن الشاعر الوطني المصري الراحل أحمد فؤاد نجم: الرفيق الشاعر احمد فؤاد نجم … دهر من التحدي لكل عملاء امريكا
الشحات شتا ( مصر ) – الإثنين 21/9/2020 م …
الكاتب الشحات شتا
بكل صراحه لم اشاهد في حياتي اجرأ من الرفيق الراحل احمد فؤاد نجم الشاعر المقاتل الذي لم يركع لاي حاكم في حياته بل كان يذهب الي قصر الرئاسه ليسب الحاكم علنا, سجنه الملك فاروق , وسجنه عبدالناصر بعد النكسه ,وسجنه السادات اغلب فترة حكمه ,وسجنه مبارك وعاش الرفيق احمد فؤاد نجم في المعتقل 18 عاما بسبب قصائده الشعريه الساخره من الطواغيت … انه من اعظم من انجبت مصر .
1- من هو احمد فؤاد نجم –
ولد أحمد فؤاد نجم – وهو ينتمي إلى عائلة نجم المعروفة في أرجاء مصر – لأم فلاحة أمية من الشرقية (هانم مرسى نجم) وأب يعمل ضابط شرطة (محمد عزت نجم)، وكان ضمن سبعة عشر ابنا لم يتبق منهم سوى خمسة والسادس فقدته الأسرة ولم يره، التحق بعد ذلك بكتّاب القرية كعادة أهل القرى في ذلك الزمن.
أدت وفاة والده إلى انتقاله إلى بيت خاله حسين بالزقازيق، حيث التحق بملجأ أيتام 1936 – والذي قابل فيه عبد الحليم حافظ- ليخرج منه عام 1945 وعمره 17 سنة. بعد ذلك عاد لقريته للعمل راعيا للماشية، ثم انتقل للقاهرة عند شقيقه إلا أنه طرده بعد ذلك ليعود إلى قريته.
عمل نجم في معسكرات الجيش الإنجليزي متنقلا بين مهن كثيرة: كواء، لاعب كرة، بائع، عامل إنشاءات وبناء، ترزي. وفي فايد، وهي إحدى مدن القنال التي كان يحتلها الإنجليز، التقى بعمال المطابع الشيوعيين، وكان في ذلك الوقت قد عَلَّم نفسه القراءة والكتابة وبدأت معاناته الطويلة تكتسب معنى. واشترك مع الآلاف في المظاهرات التي اجتاحت مصر سنة 1946 وتشكلت أثناءها اللجنة الوطنية العليا للطلبة والعمال.
يقول نجم: كانت أهم قراءاتي في ذلك التاريخ هي رواية الأم لمكسيم غوركي، وهي مرتبطة في ذهني ببداية وعيي الحقيقي والعلمي بحقائق هذا العالم، والأسباب الموضوعية لقسوته ومرارته، ″ولم أكن قد كتبت شعرا حقيقيا حتى ذلك الحين وإنما كانت أغاني عاطفية تدور في إطار الهجر والبعد ومشكلات الحب الإذاعية التي لم تنته حتى الآن… وكنت في ذلك الحين أحب ابنة عمتي وأتمناها، لكن الوضع الطبقي حال دون إتمام الزواج لأنهم أغنياء″.
وخرج الشاعر مع 90 ألف عامل مصري من المعسكرات الإنجليزية بعد أن قاطعوا العمل فيها على إثر إلغاء المعاهدة، وكان يعمل بائعا حينئذ فعرض عليه قائد المعسكر أن يبقى وإلا فلن يحصل على بضائعه “ولكنني تركتها وذهبت”.
وفي الفترة ما بين 51 إلى 56 اشتغل نجم عاملا في السكك الحديدية. وبعد معركة السويس قررت الحكومة المصرية الاستيلاء على القاعدة البريطانية الموجودة في منطقة القنال وعلى كل ممتلكات الجيش هناك. وكانت ورش وابورات الزقازيق تقوم في ذلك الحين بالدور الأساسي لأن وابورات الإسماعيلية والسويس وبور سعيد ضُربت جميعا في العدوان. ″وبدأنا عملية نقل المعدات. وشهدتُ في هذه الفترة أكبر عملية نهب وخطف شهدتُها أو سمعتُ عنها في حياتي كلها. أخذ كبار الضباط والمديرون ينقلون المعدات وقطع الغيار إلى بيوتهم… وفقدت أعصابي وسجلت احتجاجي أكثر من مرة… وفي النهاية نقلت إلى وزارة الشؤون الاجتماعية بعد أن تعلمت درسا كبيرا. أن القضية الوطنية لا تنفصل عن القضية الاجتماعية، كنت مقهورا وأرى القهر من حولي أشكالا ونماذج… كان هؤلاء الكبار منهمكين في نهب الورش، بينما يموت الفقراء كل يوم، دفاعا عن مصر…″.
وفي وزارة الشؤون الاجتماعية عملت طوافا أوزع البريد على العزب والكفور والقرى وكنت أعيد في هذه المرحلة اكتشاف الواقع بعد أن تعمقت رؤيتي وتجربتي. شعرت حينئذ رغم أنني فلاح وعملت بالفأس لمدة 8 سنوات أن حجم القهر الواقع على الفلاحين هائل وغير محتمل. كنت أجد في الواقع المصري مرادفات حرفية لما تعلمته نظريا. كان التناقض الطبقي بشعا.
في سنة 1959 التي شهدت الصدام الضاري بين السلطة واليسار في مصر على إثر أحداث العراق، انتقل الشاعر من البريد إلى النقل الميكانيكي في العباسية أحد الأحياء القديمة في القاهرة. يقول نجم “وفي يوم لا يغيب عن ذاكرتي أخذوني مع أربعة آخرين من العمال المتهمين بالتحريض والمشاغبة إلى قسم البوليس وهناك ضربنا بقسوة حتى مات أحد العمال “… وما زالت آثار الضرب واضحة على جسد نجم حتى الآن…″ وبعد أن أعادونا إلى المصنع طلبوا إلينا أن نوقع إقرارا يقول إن العامل الذي مات كان مشاغبا وإنه قتل في مشاجرة مع أحد زملائه.. ورفضت أن أوقع، فضربت.″ وبعد ذلك عاش نجم فترة شديدة التعقيد من حياته إذ وجهت إليه تهمة الاختلاس، ووضع في السجن لمدة 33 شهرا.
بعدها بسنوات عمل بأحد المعسكرات الإنجليزية وساعد الفدائيين في عملياتهم. بعد إلغاء المعاهدة المصرية الإنجليزية دعت الحركة الوطنية العاملين بالمعسكرات الإنجليزية إلى تركها فاستجاب نجم للدعوة وعينته حكومة الوفد كعامل بورش النقل الميكانيكي. وفي تلك الفترة سرق بعض المسؤولين المعدات من الورشة، وعندما اعترضهم اتهموه بجريمة تزوير استمارات شراء مما أدى إلى الحكم عليه 3 سنوات بسجن قره ميدان (أكد أحمد فؤاد نجم في أحد البرامج أنه فعلا كان مذنبا) حيث تعرف هناك على أخيه السادس (علي محمد عزت نجم)، وفي السنة الأخيرة له في السجن اشترك في مسابقة الكتاب الأول التي ينظمها المجلس الأعلى لرعاية الآداب والفنون وفاز بالجائزة، وبعدها صدر الديوان الأول له من شعر العامية المصرية (صور من الحياة والسجن) وكتبت له المقدمة سهير القلماوي ليشتهر وهو في السجن.
بعد خروجه من السجن عُين موظفاً بمنظمة تضامن الشعوب الآسيوية الأفريقية وأصبح أحد شعراء الإذاعة المصرية، وأقام في غرفة على سطح أحد البيوت في حي بولاق الدكرور. بعد ذلك تعرف على الشيخ إمام في حارة خوش قدم (معناها بالتركية قدم الخير) أو حوش آدم بالعامية، ليقرر أن يسكن معه ويرتبط به حتى أصبحا ثنائياً معروفاً وأصبحت الحارة ملتقى المثقفين. وقد نجحا في إثارة الشعب وتحفيز هممه قديما ضد الاستعمار ثم ضد الديكتاتورية الحاكمة ثم ضد غيبة الوعي الشعبي، ويقول نجم عن رفيق حياته إنه “أول موسيقي تم حبسه في المعتقلات من أجل موسيقاه وإذا كان الشعر يمكن فهم معناه فهل اكتشف هؤلاء أن موسيقى إمام تسبهم وتفضحهم”. وقد انفصل هذا الثنائي بعد فترة، واتهم الشيخ إمام قرينه أحمد فؤاد بأنه كان يحب الزعامة وفرض الرأي وأنه حصد الشهرة بفضله ولولاه ما كان نجم. ويرى أحمد فؤاد نجم أن العامية أهم شعر عند المصريين لأنهم شعب متكلم فصيح وأن العامية المصرية أكبر من أن تكون لهجة وأكبر من أن تكون لغة؛ فالعامية المصرية روح وهي من وجهة نظره أهم إنجاز حضاري للشعب المصري. وأحمد فؤاد نجم شاعر متدفق الموهبة، فقد ألف العديد من الأغاني والتي تعبر جميعها عن رفضه للظلم وحبه الفياض لمصر واستيعابه الكامل للواقع الأليم. من بين من غنوا أغانيه الموسيقي السوري بشار زرقان الذي ربطته به علاقة عمل استمرت لسنوات، حيث سجلا معاً ألبوم (على البال).
2- الرفيق الشاعر احمد فؤاد نجم تحدي حكام مصر الطواغيت عملاء الصهيونية العالميه –
تحدي احمد فؤاد نجم عميل الصهيونية العالميه انور السادات فانتقد زيارة الرئيس الامريكي ريتشارد نيكسون قائلا –
شرفت يا نيكسون بابا يابتاع الووترجت
عملولك قيمة وسيما سلاطين الفول والزيت
فرشولك أوسع سكة من راس التين على مكة
وهناك تنفد على عكا ويقولوا عليك حجيت
“ؤاهو مولد ساير داير شي لله يا صحاب البيت”
جواسيسك يوم تشريفك على كيفك نصبو الزار
تتقصع فيه المومس والقارح والمندار
جواسيسك يوم تشريفك عملولك دقة و زار
تتقصع فيه المومس و القارح و المندار
والشيخ شمهورش راكب ع الكوديا وهات يامواكب
وبواقي الزفة عناكب ساحبين على حسب الصيت
” واهو مولد ساير داير شي لله يا صحاب البيت”
شرفت يا نيكسون بابا يا بتاع الووترجيت
عملولك قيمة و سيما سلاطين الفول و الزيت
فرشولك أوسع سكة من راس التين على سكة
و هناك تنفد على عكة و يقولو عليك حجيت
“و أهو مولد ساير داير شي لله يصحاب البيت”
عزموك فقالوا تعالى تاكل بونبون وهريسه
قمت أنت لأنك مهيف صدقت إن إحنا فريسة
طبيت لحقوك بالزفة يا عريس الغفله يا خفة
هات وشك خد لك تفه شوباش من صاحب البيت
” واهو مولد ساير داير شي لله يا صحاب البيت”
شرفت يا نيكسون بابا يا بتاع الووترجيت
عملولك قيمة و سيما سلاطين الفول و الزيت
فرشولك أوسع سكة من راس التين على سكة
و هناك تنفد على عكة و يقولو عليك حجيت
“وأهو مولد ساير داير شي لله يا صحاب البيت”
خد مني كلام يبقى لك ولو انك مش حتعيش
لا هقول أهلاً ولا جهلاً ولا تيجي ولا ماتجيش
بيقولوا اللحم المصري مطرح مابيسري بيهري
وده من تأثير الكشري والفول والسوس أبو زيت
” واهو مولد ساير داير شي لله يا صحاب البيت”
شرفت يا نيكسون بابا يا بتاع الووترجيت
عملولك قيمة و سيما سلاطين الفول و الزيت
فرشولك أوسع سكة من راس التين على مكة
و هناك تنفد على عكة و يقولو عليك حجيت
“وأهو مولد ساير داير شي لله يا صحاب البيت”
3- وواصل انتقاده لأنور السادات في قصيدته هنا شقلبان المعروفه ببيان هام فقال –
قصيده بيان هام من أحد أعمال الراحل أحمد فؤاد نجم
بيان هام
هنا شقلبان
محطة اذاعة حلاوة زمان
من القاهرة ومن كردفان
وسائر بلاد العرب واليابان
ومن فنزويلا أيضا ايران
ومن اى دار
أو بلد مستباحه
بفعل السياحه مع الأمريكان
هنا شقلبان
محطة اذاعة حلاوة زمان
نقدم اليكم بكل اللغات
مراسح وسيما وجميع الفنون
صحافه ومنابر وتلفزويونات
وخطبا ف جوامع وجبنه وزيتون
ونقزح ونركب جميع الموجات
ونبحث ونفهم فى كل الشئون
ودايما نلعلع فى كل الحالات
ولا حد سامع ولا يحزنون
وتسمع ما تسمع دا ما يهمناش
لأن احنا اصلا بناكل بلاش
فخليك فى نفسك وما تخليناش
نسلط عليك القلم واللسان
هنا شقلبان
محطة اذاعة حلاوة زمان
يسر الذاعه ولا يسركوش
بهذى المناسبه ولا بندعيكوش
نقدم اليكم شحاته المعسل
وبدون الرتوش
شبندر سماسرة بلاد العمار
معمر جراسن للعب القمار
وخارب مزارع و تاجر خضار
وعقبال أملتك أمير الجيوش
ما تقدرش تنكر
تقول ما اعرفوش
ما تقدرش ايضا تفول ما أسمعوش
شحاته المعسل حبيب القلوب
يزيل البقع ولاهموم والكروب
يأنفس يأفين يبلبع حبوب
ويفضل يهلفط ولا تفهموش
وتفهم ما تفهم دا ما يهمناش
لأن انت فاهم وعامل طناش
ح تنكر وتحلف ح اقول لك بلاش
ح تتعب دماغنا وتتعب كمان
هنا شقلبان
محطة اذاعة حلاوة زمان
لأن المخبى ظهر واستبان
وكل المسائل بدت للعيان
وطلعت حكاوى ونزلت كمان
عن التهريبه وعن كيت وكان
وعن محسوبيه وعن ألعبان ( بضم الالف)
ظهر فى المدينه كأن الطوفان
وغرق مراكب وسوح غيطان
وبعض المراكب ح تغرق كمان
وأزمة مساكن وأزمة أمان
وعالم بياكل فى عالم جعان
وريحة مؤمره فى جو المكان
مخطط خيانه مع الأمريكان
لدبح العشيره وحرق المكان
وفيه ناس بترغى ولازم بيان
كما ابلغونا جميع الودان
لهذا وذاكا وتلكم كمان
نقدم اليكم عروسه وحصان
شحاته المعسل وهذا البيان
هنا شقلبان
محطة اذاعة حلاوة زمان
بسم الله
سلام عليكم وسلمون وموز
وأما المسائل فهنجف ولوز
فيا اخوتى ويا أخوات
اليكم بيانى كما هو آت
جميع المسائل تمام التمام
وكل الكلام دا مجرد كلام
فصبرا جميلا ولا تقلقوش
وشغل الضغاين أنا ما أقبلوش
ما فيش أى حاجه
على الطلاق والعتاق بالتلاته
ما فيه اى حاجه
وقدر كمان ان فيه أى حاجه
ما لوش أى لازمه الكلام واللجاجه
وعيب ان عيل يسوق السماجه
ويعمل لى باللو ويعمل ديباجه
آنا بطبعى ضد السماسره الكبار
بحكم المنافسه وحكم الجوار
لكن مش فى طبعى
انى أعمل فضيحه
لواحد زميلى هبش كام صفيحه
ما كل الزمايل بتهبش صفايح
وكل اللى جاى مش زى اللى رايح
فيا ايها الشعب صهين تفلعص
مساء التنفس مساء الروايح
أخويا الامير بزرميط الايرانى
بعت لى السنه دى
عزمنى ودعانى وأنا قبلت طبعا
ورحنا العزومه وكانت وليمه
ما تحصلش تانى دا أيه المحمر
وأيه المكمر وايه المشمر
وايه الصوانى
وانا دماغى تعبت ولفت صراحه
من الفخفخه والهنا الاصفهانى
هناك يعنى مثلا اذا شربت طافيه
تمز بكوارع وبسطرمه ضانى
ما شفتش هناك
ناس بتحقد عليهم
ولا ناس بتشتم فلان الفلانى
لأنه اشترى عزبتين من شطارته
وحكمة ادارته وطلع مبانى
وبعد الوليمه استلمنا الهدايا
مفضض ومدهب وقز وقيشانى
وطبعا أخويا الأمير قال لى حاجه
ح اقولهالكو طبعا اذا الوقت ناسب
ح يطلع لى عيل بدون اى حاجه
ويعمل لى فلحس ويقعد يحاسب
دا حقد اشتراكى أنا ما أقبلوش
ولو هو ابنى أنا ما اعتقوش
كلام عن سماسره كلام عن دعاره
حاجات مش صحيحه جمل مستعاره
وعايزين يخلوا البلد اردغانه
وعايزنى اسيب البلد من زمان
وأنا مش ح اسلم واسيب الأمان
ولا بالبوليس والنيابه كمان
فيا ايها الشعب كمل جميلك
وصبرا واذلم حتيجى المصارى
وتاكل وتشرب تبع ما يآتيلك
وتغرق فى بحر العبيد والجوارى
وترسم حياتك حسب ما يرائيلك
ونملا الحوارى فساقى وقصارى
تسبح بحمدك وتشكر جميلك
وفضل الزباله وطفح المجارى
ختاما سلاما وآخر كلاما
ضرورا
يسود الهدوء والوئام فماذا والا
ح طربقها واللا اهرب فلوسى
واسافر قواما سلام عليكم
وسلمون وموز بصفتى رئيسا
وابا وجوز.
4- الرفيق احمدفؤاد نجم يفضح سياسة الانفتاح للسادات في قصيدته السياسيه الساخره البتاع –
قصيده البتاع
للي فتحت
البتاع
فتحك على مقفول
لأن أصل البتاع
واصل على موصول
فأى شئ في البتاع
الناس تشوف على طول
والناس تموت في البتاع
فيبقي مين مسؤول ؟
وإزاي حتفتح بتاع
في وسط ناس بتقول
بأن هذا البتاع
جاب الخراب مشمول
لأنه حتة بتاع
جاهل
غبي
مخبول
أمر بفتح البتاع
لأنه
كان مسطول !
وبعد فتح البتاع
جابوا الهوا المنقول
نكس عشوش البتاع
وهد كل أصول
وفات في غيط البتاع
قام سمم المحصول
وخلا لون البتاع
أصفر
حزين
مهزول
وساد قانون البتاع
ولا عله ولا معلول
فالقاضي بتع البتاع
فالحق ع المقتول
والجهل زاد في البتاع
ولا مقري
ولا منقول
والخوف
سرح في البتاع
خلا الديابه تصول
ويبقي البتاع في البتاع
والناس صايبها ذهول
وأن حد قال دا البتاع
يقولوا له
مش معقول
وناس تعيش بالبتاع
وناس تموت بالفول
وناس تنام ع البتاع
وناس تنام كشكول
آدي اللي جابه البتاع
جاب الخراب بالطول
لأنه حتة بتاع
مخلب
لراس الغول
باع البتاع بالبتاع
وعشان يعيش على طول
عين حرس بالبتاع
وبرضه مات مقتول.
5- وعندما طلب السادات المصريون بعدم اكل اللحمه قال قصيدته الشهيره الفول واللحمه-
عن موضوع الفول واللحمة
صرح مصدر قال مسئول
ان الطب اتقدم جدا
والدكتور محسن بيقول
ان الشعب المصري خصوصا
من مصلحته يقرقش فول
حيث الفول المصري عموما
يجعل من بني ادم غول
تأكل فخده في ربع زكيبه
والدكتور محسن مسئول
يديك طاقة وقوة عجيبة
تسمن جدا تبقى مهول
ثم اضاف الدكتور محسن
ان اللحمه دي سم أكيد
بتزود أوجاع المعدة
وتعّود على طولة الايد
وتنيم بني ادم وتفرقع منه المواعيد
واللي بياكلوا اللحمة عموما
حيخشوا جهنم تأبيد
يادكتور محسن يامزقلط
يامصدر ياغير مسئول
حيث ان انتو عقول العالم
والعالم محتاج لعقول
مارأى جنابك وجنابهم
فيه واحد مجنون بيقول
احنا سيبونا نموت باللحمة
وانتو تعيشوا وتاكلوا الفول
مارأيك ياكابتن محسن
مش بالذمة كلام معقول.
6- الرفيق احمد فؤاد نجم وتحدي نظام مبارك
كان احمد فؤاد نجم من ابرز معارضي مبارك بل وذهب بنفسه الي قصر الرئاسه وطلب مقابلة مبارك فرفض ضابط الحراسه فانشد احمد فؤاد نجم هذه القصيده امام ضباط الحراسه في قصرالرئاسه –
لمـّـا تكون شغـّــال بزمـّـــــــــة ….. خايف على مصلحة الأمـــــــــــة
شغلك يطلع من غير لازمـــة ….. علشان مابيعـلاش غيـر واطــى
طاطي راسك طاطي طاطي ….. إنت فى وطن ديموقراطــــــــــي
ولمـّـا شقاك يصبح مش ليـــــك ….. فقـرك سـد السكــة عليـــــك
تتلفــــــت تلقــــى حواليــــــك ….. إمــّــا حرامــــــى او متعاطــى
طاطي راسك طاطي طاطي ….. إنت فى وطن ديموقراطــــــــــي
ولمـّـا الجهلـــة يبقوا أمامـــــــــك ….. او فوقك ماسكين فى زمامك
ويسوقــــك عالهلكــة إمامـــــــك …. تشـرب مــ السّـم السقراطى
طاطي راسك طاطي طاطي ….. إنت فى وطن ديموقراطــــــــــي
ولمـّـا الكلمــة تكون بتدينـــــك …. لمـّــا تخبـــى فـى قلبــك دينــك
لمـّـا الذل اشوفوا فى عينــــك ….. هـات إحبـاطـك على إحبـاطـــى
طاطي راسك طاطي طاطي ….. إنت فى وطن ديموقراطــــــــــي
ولمـّـا حاميــها يكــون حراميـــها ….. وبــلاده ورا ضهــــــره راميــــها
طالــــع نــــازل واكــــل فيهــــــــا ….. مسنود بالبدلـه الظبـّـاطــــــى
طاطي راسك طاطي طاطي ….. إنت فى وطن ديموقراطــــــــــي.
7-وهذه قصيدة سخريه من الرفيق احمد فؤاد ينجم يصف فيها نظام مبارك بدقه –
الرئيس يخاطب شعبه الحبيب
يا شعبى حبيبى ياروحى يابيبى يا حطك فى جيبى يا ابن الحلال
يا شعبى يا شاطر يا جابر خواطر ياساكن مقابر وصابر وعال
ياواكل سمومك يابايع هدومك ياحامل همومك وشايل جبال
يا شعبى اللى نايم وسارح وهايم وفى الفقر عايم وحالة دا حال
احبك محشش مفرفش مطنش ودايخ مدوخ واخر انسطال
احبك مكبر دماغك مخدر ممشى امورك كدة باتكال
واحب اللى ينصب واحب اللى يكدب واحب الى ينهب ويسرق تلال
واحب اللى شايف وعارف وخايفوبالع لسانة وكاتم ماقال
واحب الى قافل عيونة المغفل واحب البهايم واحب البغال
واحب اللى راضى واحب اللى فاضى واحب الى عايز يربى العيال
واحب اللى يائس واحب اللى بائس واحب اللى محبط وشايف محال
واحبك تسافر وتبعد تهاجر وتبعت فلوسك دولار او ريال
واحبك تطبل تهلل تهبل عشان ماتش كورة وفيلم ومقال
واحبك تايد تعظم تمجد توافق تنافق وتلحس نعال
تحضر نشادر تجمع كوادر تلمع تقمع تضبط مجال
لكن !! لو تفكر تخطط تقرر تشغلى مخك وتفتح جدال
وعايز تنور وعايز تطور وتعملى روحك مفرد رجال
ساعتها هجيبك .. لا يمكن اسيبك وراح تبقى عبرة وتصبح مثال
هابهدل جنابك واذل اللى جابك وهيكون عذابك دا فوق الاحتمال
وامرمط سعادتك واهزأ سيادتك واخللى كرامتك فى حال هزال
وتلبس قضية وتصبح رزية وباقى حياتك تعيش فى انعزال
هتقبل هحبك … هترفض هلبك … هتطلع هتنزل هجبلك جمااااااااااااال
8- وهذه قصيدة سخريه من نجم لمبارك –
حمامتك يا ريس حمامة السلام
نايمه يا ريس وأسأل سوزان
بص يا ريس حمامة الجيران
واقفه يا ريس فاكه الحزام
داخله يا ريس فى كل مكان
حمامتك يا ريس حمامة السلام
نايمه يا ريس وأسأل سوزان
نفسى ياريس اشبع وانام
وتغور يا ريس وتغور المدام
وابنك يا ريس يغور كمان
وتغور يا ريس كل الحيتان
حمامتك يا ريس حمامة السلام
نايمه يا ريس وأسأل سوزان
شايف يا ريس حمامة ايران
تبسط يا ريس ادى الحمام
مش انته ياريس مرخرخ جبان
حمامتك يا ريس حمامة السلام
نايمه يا ريس وأسأل سوزان
———
وده الجزء المسموح بيه للنشر
عليا الحرنكش يا ريس مبارك
في عصر مزركش ملون بنارك
لابايعك وأبايع حكومة حمارك
ملعون أبو اللي يقدر يقاطع قرارك
نهاره مقندل وليله مبارك
فهمبك وهجص وطلع في عيننا
أكيد هيا طالعة تشاهد جمالك
جمالك مبارك سوزانك سوزاننا
يامحلى حصارك لمصر اللي جالنا
نسيمها في عصرك بيشوي في بدنا
أؤيد وأبايع فخامة جلالتك
وأيد أي واحد بيمسح ريالتك
ولأنك سر باتع هاننسى هبالتك
فأقعد ياريس ودلدل حمامتك
حمامة السلام حمامتك ياريس
سلامة الحمامة وسلامتك يا ريس
ياريس حمامة ياريس كويس
على تل مصر ياريتك تهيص
خرابة فسيحة عليها متيس .
9- وهذه القصيده كتبها الرفيق نجم عندما تزوج جمال مبارك نجل الرئيس المخلوع حسني مبارك-
قصيدة عريس الدولة للراحل أحمد فؤاد نجم
مبروك يا عريسنا
يأ أبو شنة ورنة
يا واخدنا وراثة
أطلب واتمنى
مش فارقة معانا
ولا هارية بدنا
ولا تاعبة قلوبنا
ولا فاقعة …….
محنش كارهينك
لكن عارفينك
هتكمل دينك
وتطلع دينا .
10- وهذه القصيده كتبها الرفيق احمد فؤاد نجم اثناء ثورة يناير 2011
قصيدة
كأنك مفيش.
للشاعر الراحل أحمد فؤاد نجم
كأنك مفيش
……………..
برغم أن صورك فى كل الدواير وكل المداخل وكل المحاور
وملية الشوارع على كل حيط مطنش علينا وعامل عبيط
كأنك مفيش
يافرحة قلوبنا رئيسنا ظريف فكهى ابن نكتة ودمة خفيف
فعهدك سيادتك فرشنا الرصيف وأخر مننا الغموص والرغيف
وكل لما تخنق ندور مفيش
مسيب علينا عصابة حبيبك فضايح وسرقة ونهب بسبيبك
ما بين حزب نجلك وهانم جللتك وجيش الغوازى اللى داير ياجملك
ونملك قاملك وحرسك وأمنك شبعنا مهنا شبعنا لطيش وأنت مفيش
باعونا فى حضورك ببركة عبيدك وغالى وسرورك باعوا الاراضى وكل المصانع وباعوا البنوك
وقدام عنيك صوتنا اتنبح ننادى عليك ألحق ياريس دا باعوا الحديد وانت منشف دماغك عنيد
كأنك مفيش
دوشتو دمغنا جمال طلعتك ومن يومها وأحنا عبيد حضرتك
ما تزعلش أنى مواطن ابيح ورافض كلابك فى شعبك تطيح
فسادهم ياريس واضح صريح قم بنا صلح وفتش وثور
ها نكتب تاريخك ياريس بنور مش تبقى عايش كأنك مفيش
ورحمة أبوك مادام انت قاعد عيب عيب لما عصبة نور يسحبوك
ما تقبض عليهم ما تقطع عايدهم تعمل عليهم ياريس شاويش
بدل ما انت ساكت وقاعد مفيش
ياريس عليا الطلاق يعبنين ياريس عليا الحرام كفرنين
صبرنا سنين سيادتك مسلطن وشعبك وناسك بتأكل مسرطن
بتشرب مجارى ونيد سم هارى ومش دريانين
ما تنهض ياريس تلم الديابة دا شعبك غلابة ومليان طيابة
وهو الشفاعة فى يوم الحساب وهما البطانة الحثالة الكلاب
ما يملاش عنيهم غير التراب وليهم دوافر و100 الف ناب
وواقفين لشعبك وراء كل باب لأمتة ها تسكت ولية الغياب
دا ياما ممالك طواها التراب حيتنا ياريس تعب فوق عذاب
ياريس شريفك ما هواش شريف ناظيفك ياريس ما هواش نظيف
وحتى حبيبك ما هواش حبيب وأنا غصب عنى خلاص أستويت
وغلبى اتحنيت وطلعان عنية وصعبنا عليا بحسبة بسيطة ومن غير خريطة
وكونك مفيش لقيت ماتسويش ومش فرقة أعيش
نويت أشتكيك للى فوقى وفوقك واصلى الفرائض عسى يفك طوقك
قالولى اللى يسجد عدو النظام حاولت أحكى حالى قلولى الحكاوى نميمة وحرام
فكرت أكتب لقيتكم سيادتك منعتوا الكلام ففكرت أحلم هاحلم سيادتك وأفك اللجام
ولو مش ها يعجب سيادتك يافندم وصى العساكر تخدنا المنام
حلمت حلمت انى شعب ومصلوب بطولى على أرض سمرا ودمى بينزف ومليان جروح
وفوق صدرى جمرة يمنى مربط على أرض طابا شمالى ممسمر فى أولاد على
ورجلى على جزع نخلة فى حلايب ومرتاح براسى على حجر مصر
وشفتك ياريس كأنك والى كأنك نبى فى أيدك عصايا وليك معجزات
وشايل صليبى وبتفكينى وانا تحتى جنة وتحتى جداول
ومن فوقى نور وريحة وبخور همست فى ودانك بأخر وصية
انسى اللى فاتك ها ننسى الاسية أمانة عليك حط الوطن جوة عنيك
كرامة عيلنا أمانة فى ايديك بحق اللى بينا ياريس وبينك
وحق اليمن والكتاب فى يمينك بحق الشهيد اللى رافع جبينك
وجيش أنتصارك فى يوم العبور وجيل حر طالع وعدتة بدور
لملم عيالك وجمع فى مالك واسحب جمالك وسيبنا وغور
11- الرفيق احمد فؤاد نجم ودعم محور المقاومه –
كان الرفيق الشاعر احمد فؤاد نجم يحب امين عام حزب الله السيد حسن نصرالله ومدحه اثناء العدوان الصهيوني علي لبنان قائلا-
ميجانا و يا ميجانا
يا حفيد سيدنا و مولانا
عشاقك و العشق عباده
على إسمك غزلوا السجادة
نصر الله و النصر إرادة
ما تفرط أبدا في أمانة
ميجانا و يا ميجانا
يا اسمر يا عود الزانة
يابو هادي يا شمس الدين
يا مطمن قلب الخايفين
كان جدك سند المساكين
و اختارك مسكين ويانا
ميجانا و يا ميجانا
يا اسمر يا عود الزانة
يا فارس على كل زمان
يا عربي القلب يا إنسان
يا سليل النور و الإيمان
يا حفيد سيدنا و مولانا
ميجانا و يا ميجانا
يا حفيد سيدنا و مولانا.
كما كان الرفيق احمد فؤاد نجم يدعم حركات المقاومه في غزه .
12- قصيدة الرفيق احمد فؤاد نجم قبل وفاته –
وكلمات القصيدة هي:
أنا الرخيص أوي عندكم.
وغالي عند اللي خالقني..
فيوم ما افارق أرضكم موضوع لا يمكن يضايقني..
أنا اللي جيبتولي الأمراض..
أنا اللي بيا منكم فاض
أنا اللي قولت ياباشا كتير.. واكتر كمان اتقاللي انا ياض
أنا المهدد أنا المجند أنا اللي دايما بعيا وبرقد..
أنا المراكبي والصياد
أنا المواطن يا رؤساء…
أنا اللي متكحرت في بولاق.. وانا اللي بتلملم أشلاء
مركب وقطر وعبارة..
الموت لأمثالي إعارة..
والموت بقى ليكوا تجارة..
الموت في أشكالكوا خسارة
عيشوا حياتكم.. آخرها هنا..
ماهتسلكوش مع ربنا.. عنده هيتجاب حقنا..
ولسه اللي عايشين بعدنا..
شوكة في زوركم..
في نحوركم..
هيردوا كل اللي خانقني
عرفتوا ليه انا مطمن.. وحتى موتي ولا قالقني..
أنا بصحي في عروق الثوار..
بعد اما روحي تفارقني»
13- عاش احمد فؤاد نجم داعما للفقراء فبني لاطفال الشوارع ابراج وزوجهم فيها وكان يرعي الفقراء في كل انحاء القاهره ورغم تحديه للطواغيت الا انه لم ينسي الفقراء ابدا لانه عاش فقيرا وعاني معاناة الفقراء ولذلك لم يتخلي عنهم ابدا ,وقد سالته احد المذيعات في قناة bbcالعربيه قائلة لو خلقت مرة اخري في الدنيا تحب تكون مين , فقال لها احب اكون احمد فؤاد نجم الذي لم يركع لطاغوت ,.
رحم الله الرفيق الشاعر احمد فؤاد نجم .
بقلم الشحات شتا